.
.
“Dít was alles waaroor sy gedroom het en nog meer. ’n Regte sprokiestroue so reg uit die boeke.”
Só sê Casper Bosman, bekende ontwerper in Bloemfontein, oor die gewese Mej. Wêreld, Rolene Strauss, se sprokiestroue met D’Niel Strauss Saterdag op die Lourensford-wynlandgoed naby Somerset-Wes.
“Dit was een van die mooiste, ongelooflikste en stylvolste troues wat ek in my lewe nog gesien het. Dit was uit ’n ander wêreld. ’n Regte sprokiesverhaal – presies wat sy wou hê en waaroor sy nog altyd gedroom het. Só gepas vir ’n Mej. Wêreld.”
